(डोटी) – सुजंङ्ग इंग्लिस बोर्डिग मोडेल स्कुलका विद्यार्थी जिल्ला टपर र दोस्रो स्थान लिन सफल भएका छन । छात्रा सन्ध्या सेट्टीले यस बर्षको एसईई परिक्षामा जिल्ला टपर र प्रज्वल खड्का दोस्रो भएका छन ।
सन्ध्याले ३.९६ जीपीए र प्रज्वलले ३.८७ जीपीए ल्याएका छन् । जिल्लामा सर्वोत्कृष्ट ल्याउन सफल भएपछि सन्ध्या र प्रज्वलको परिवार तथा विद्यालयमा खुसियाली छाएको छ ।

सुजङ्ग स्कुलका निर्देशक बलायरले सर्वोत्कृष्ट नतिजा ल्याउने विद्यार्थी तथा अभिभावकलाइ विशेष कार्यक्रमको आयोजना गरि सम्मान गर्ने योजना रहेको बताए । सन्ध्याका बुवा दिपायल सिलगढी नगरपालिका वडा नं. ४ राजपुर स्थित लोकेसेवा आयोगको कार्यालय अघि होटल व्यवसाय गर्दै आएका छन ।

कक्षा नर्सरीदेखि सुजजङ्ग पढेकी सन्ध्याको नतिजा सुनेर प्रफुल्ल बनेका उनका बुवा प्रकाश सेट्टीले छोरीको मेहनत र विद्यालयको उत्प्रेरणाले सफलता हात परेको बताए । ‘मलाइ धेरैकुरा थाहा छैन सर, सामान्य व्यवसाय गरेर परिवार पाल्दै आएको छु’, प्रकाशले टेलिफोनमा पाँजलोसंग भने, ‘छोरीका कारण आज गौरब महसुस भएको छ । छोरी र सुजङ्ग विद्यालय परिवारका कारण आज म धेरै माझ चिनिने अवसर पाए ।’

यस बर्षको एसईई परिक्षामा सुजङ्ग स्कुलवाट ७७ जना सहभागि भएका थिए । जसमध्य १२ जनाले ए प्लस, २९ जनाले ए, २३ जनाले बी प्लस, ३ जनाले बी ग्रेड ल्याएका थिए । सुजङ्ग स्कुलका निर्देशक नरेश बलायरले भने सुदूरपश्चिमका ७ पहाडी जिल्लामध्य सन्ध्याको नतिजा सर्वोत्कृष्ट रहेको दाबी गरेका छन् ।

‘लगातार हरेक बर्ष उत्कृष्ट नतिजा ल्याउन सुजङ्ग सफल भएको छ’, निर्देशक बलायरले दाबी गरे, ‘विगतमा पनि प्रदेशभरिमै उत्कृष्ट नतिजा आएको छ, सन्ध्या लगायतका विद्यार्थीहरुले विद्यालयको गौरब बढाएका छन् ।’