मौरीको हमलाबाट कम्तीमा २५ जना घाइते भएको बताइएको छ । तीमध्ये १५ जनाको अवस्था गम्भीर रहेको र उनीहरूलाई खण्डेला रोडस्थित अस्पतालमा भर्ना गर्नु परेको बताइएको छ

८० वर्षीय माधो सिंह शेखावतको मलामी गएका उनीहरूलाई चितामा आगो बाल्नुअघि नै मौरीले हमला गरेको भारतीय सञ्चारमाध्यमले जनाएका छन् । नजिकै रहेको पिपलको रुखमा बसेका मौरीले अचानक मलामीमाथि हमला गरेका थिए ।

मौरीले हमला गरेपछि भागेका मलामीमध्ये केहीचाहिँ निकैबेरपछि हेलमेट लगाएर, पूरा शरीर ढाक्ने गरी कपडा लगाएर फर्किएका थिए । त्यसपछि बल्ल अन्तिम संस्कार गरिएको बताइएको छ ।