मकवानपुरबाट काठमाडौं आउँदै गरेको गाडी दुर्घटनामा परेको छ।

इन्द्रशरोवर गाउँपालिका वडा नम्बर ५ मकैबारीस्थित फाखेल मातातिर्थ सडकखण्डमा मध्यराति दुर्घटना भएको हो।

हेटौंडाबाट स्याउ बोकेर काठमाडौं आउँदै गरेको ना ३ च ६२४५ नम्बरको गाडी उकालो चढ्न नसकेर ब्याक भएर सडकबाट दुई सय मिटर तल खसेको जिल्ला प्रहरी कार्यालय मकवानपुरले जनाएको छ।

गाडीका चालक वीरगन्ज महागनरपालिका-१६ इनर्वा बस्ने २७ वर्षीय लक्ष्मी प्रसाद यादव सामान्य घाइते भएका छन्।

सहचालक ३० वर्षीय रमेश पटेल सकुशल छन्। घाइतेको स्थानीय क्लिनिकमा उपचार भइरहेको छ। गाडी घटनास्थलमै रहेको प्रहरीले जनाएको छ।