धनगढी- कैलालीको चिसापानीमा मोटरसाइकल दुर्घटना हुँदा एक जना गम्भिर घाइते भएका छन् । कैलालीको चिसापानी र लम्कीचुहा नगरपालिकाको बिचमा गोरुङ्गेमा मोटरसाइकल दुर्घटना भएको प्रहरीले जनाएको छ।

मोटरसाइकल दुर्घटना हुदा पञ्चपुरी नगरपालिका–६ सर्खेतका मोटरसाइकल चालक प्रकाश बुढा गम्भिर घाइते भएका छन्। चिसापानीबाट लम्कीतिर आइरहेको रा ४ प १५२६ नम्बरको मोटरसाइकल अनियन्त्रीत भएर दुर्घटना भएको प्रहरीले जनाएको छ। घाइते बुढाको लालरत्न अस्पतालमा उपचार हुन नसकेपछि थप उपचारका लागि नेपालगञ्ज रेफर गरिएको इलाका प्रहरी कार्यालय चिसापानीले जनाएको छ।