यस्तै, कपिलवस्तुको धानखोलाबाट दाङ र बाँकेको शिवखोलासम्मको सडक स्तरोन्नती हुनेछ । एमसीसीबारे विवाद भएपछि प्रतिनिधिसभाले २०७८ सालको फागुन १५ गते १२ बुँदे व्याख्यात्मक घोषणासहित एमसीसीलाई अनुमोदन गरेको थियो। यो टिप्पणीलाई अमेरिकाले स्वीकार गर्‍यो कि गरेन भन्ने बारेमा धेरै बहस भइरहेको छ । हिजो अमेरिकी दुतावासले एक विज्ञप्ति निकालेर व्याख्यात्मक घोषणासँग अमेरिका सहमत रहेको जनाएको छ ।यसैबीच, अमेरिकी मिलेनियम च्यालेन्ज कर्पोरेसन(एमसीसी) का उपाध्यक्ष क्यामरुन एस एलफोर्ड नेपाल आइपुगेका छन् । क्यामरुन आज अर्थ मन्त्रालयमा हुने एमसीसी कार्यान्वयनको औपचारिक कार्यक्रममा सहभागी हुने छन् ।