भिडियोमा देखिएअनुसार पाइलटले विमानमा उडान ढिलाइ भएको घोषणा गरिरहँदा एकजना यात्रुले दौडिएर उनलाई झापड हानेको देखिएको छ ।

बीबीसी हिन्दीका अनुसार भिडियो दिल्लीको हो । यो उडान दिल्लीबाट गोवा गइरहेको थियो जुन बाक्लो कुहिरोका कारण ढिला भएको थियो । समाचार एजेन्सी पीटीआईका अनुसार इन्डिगोले यस विषयमा उजुरी दिएको छ ।

आइतबार दिल्ली र उत्तर भारतमा बाक्लो कुहिरो र कम भिजिबिलिटीका कारण धेरै उडानहरूमा ढिलाइ भएको थियो । धेरै रुट परिवर्तन भएका थिए भने उडान रद्द भएका थिए ।

खराब मौसमका कारण ४०० उडानमा ढिलाइ भएको भारतीय सञ्चारमाध्यमहरुले जनाएका छन् । १० उडान डाइभर्ट गरिएको थियो भने २० उडान रद्द गरिएको थियो ।