डोटी, डोटी सिलगढी अवस्थित भैरव प्रसाद गणका गणपति प्रमुख सेनानी परीक्षित देउजाले एन सी सी तालिमले विद्यार्थीको चौतर्फी विकासमा सहयोग पुग्ने बताएका छन् ।

मङ्गलवार डोटीको के.आई.सिंह गाउँपालिका वडा नं. ७ सलेना स्थित नवदिप विद्या निकेतन बोर्डिङ स्कुलमा श्रावण १ गतेबाट सञ्चालन भइरहेको एन सी सी क्याडेट जुनियर डिभिजन तालिमको निरीक्षण गर्दै उक्त कुरा बताएका हुन् । उनले भने एन सी सी तालिम प्राप्त बिद्यार्थिहरु अनुशासित, ईमान्दार हुनुका साथै नेतृत्व विकासमा समेत सहयोग पुग्ने बताए ।

जिल्लामा एन सी सी तालिम प्राप्त बिद्यार्थिहरु भएको अवस्थामा दैविक प्रकोपका घटनाहरूमा समेत सहज हुने प्रमुख सेनानी देउजाले बताए । आर्थिक वर्ष २०८०÷८१ को राष्ट्रिय सेवा दल कार्यक्रम अनुसार तालिम सचालन गरिएको थियो । तालिमरत एन सी सी क्याडेटहरुले तालिमको समयमा सिकाइएका खालि हात ड्रिल, खुकुरी ड्रिल लगायत अन्य ड्रिलहरू अनुगमनको दौरानमा प्रदर्शन गरेका भैरव प्रसाद गणले जनाएको छ ।

तालिममा सहभागी क्याडेट छात्रछात्राहरूलाई माघ २ गते देखि २२ गतेसम्म श्री राष्ट्रिय सेवा दल पश्चिम तालिम शिक्षालय कौशिलानगर बाँकेमा वार्षिक सामूहिक क्याम्प सञ्चालनमा समेत सहभागी गराइने प्रमुख सेनानी देउजाले बताए ।